 |
  
|
 |
|
|
जनमत
हामी चाँडै आउँदैछौ ।
ईमेलमा सामाग्री पाउनुहोस्
तपाईको ईमेलमा नियमित जानकारी पाउनुहोस् ।
नियमित जानकारी प्राप्तगर्ने सूचीबाट आफुलाई हटाउनुस् ।
संविधान सभाको निर्वाचन २०६४
आशातित शान्तिपूर्ण रुपमा भएको चुनावमा २ सय ४० क्षेत्रबाट प्रत्यक्ष निर्वाचन प्रणालिबाट र ३ सय ३५ जना समानुपातिक निर्वाचन प्रणालिबाट तथा मन्त्रीपरिषदबाट मनोनित भएर २६ जना सभाषद संविधान सभामा पुगेका छन् । छिटपफुट हिंसाका घटना र केही स्थानमा दोस्रेपटक पनि निर्वाचन गर्नुपरेको थियो ।
६ सय १ सदस्यीय संविधानसभामा २५ दलको निम्न अनुसारको प्रतिनिधित्व रहेको छ ।
जसमा नेकपा माओवादी २२०, नेपाली काग्रेस ११०, नेकपा एमाले १०३, मधेसी जनअधिकार फोरम ५२, तराई मधेस लोकतान्त्रिक पार्टी २० सदस्य छन्। यस्तै सद्भावना पार्टी ९, राष्ट्रिय प्रजातन्त्र पार्टी ८, नेकपा माले ८, जनमोर्चा नेपाल ७, नेकपा संयुक्त ५, राष्ट्रिय प्रजातन्त्र पार्टी नेपाल ४, राष्ट्रिय जनमोर्चा ४ सदस्य छन्। यस्तै नेपाल मजदुर किसान पार्टी ४, राष्ट्रिय जनशक्ति पार्टी ३, नेपाल सद्भावना पार्टी (आनन्दीदेवी) २, राष्ट्रिय जनमुक्ति पार्टी २, नेपाली जनतादल २ सदस्य छन्। यस्तै नेकपा (एकीकृत) २, स्वतन्त्र २, दलित जनजाति पार्टी १, नेपा राष्ट्रिय पार्टी १, समाजवादी प्रजातान्त्रिक जनता दल १, चुरे भावर राष्ट्रिय एकता पार्टी १ सदस्य छन्। यस्तै नेपाल लोकतान्त्रिक समाजवादी दल १ र नेपाल परिवार दल १ सदस्य छन्। यस्तै मन्त्रीपरिषदबाट मनोनित २६ सदस्य छन्।
यी मध्ये माओवादीका २ जना, मधेसी जनअधिकार फोरमका २ जना र नेपाली काँग्रेसका १ जनाले दुइ दुइ क्षेत्रबाट चुनावमा विजय भएकाले र राष्ट्रपतिले संविधान सभा सदस्यबाट राजिनामा दिनु पर्ने भएकाले ६ क्षेत्रमा उप निर्वाचन हुनुपर्नेछ ।
संघीय लोकतान्त्रिक
गणतन्त्रको घोषण
जेठ २०६५ को बसेको संविधानसभाको पहिलो बैठकले नेपाललाई संघीय लोकतान्त्रिक गणतन्त्र कार्यान्वयन भएको घोषणा गरेको छ। गणतन्त्र कार्यान्वयनसम्बन्धी प्रस्तावमा मतदान हुँदा खसेको ५६४ मतमध्ये ५६० गणतन्त्रको पक्ष र राप्रपा नेपालको ४ मत मात्रै विपक्षमा परेको थियो। प्रस्ताव पारित भएसँगै नेपालमा राजतन्त्रात्मक युगको वैधानिक रूपमा अन्त्य भएको छ र नयाँ गणतन्त्रात्मक युगको थालनी भएको छ। शान्तिपूर्ण सत्ता परिवर्तनको उदाहरण प्रस्तुत गर्दै नेपालले नवोदित गणतन्त्रात्मक मुलुकका रूपमा संसारसामु आफूलाई चिनाएको छ।
बैठकले १५ दिनभित्र नारायणहिटी खाली गराउन सरकारलाई निर्देशन दिएको थियो। गणतन्त्र कार्यान्वयन भएपछि सामान्य नागरिकसरह भएका ज्ञानेन्द्र शाह र उनको परिवारले जेठ २९, २०६५ मा नारायणहिटी दरबारबाट बाहिरिए पछि दरबारलाई सङ्ग्रहालयमा परिणत गरिएकोछ।
नेपाल संघीय लोकतान्त्रिक गणतन्त्रमा विधिवत् घोषित भएको अवस्थामा राष्ट्रपतिको व्यवस्थालगायतका अत्यावश्यक प्रावधानलाई संवैधानिक रूपमा संस्थागत गर्न नेपालको अन्तरिम संविधान, २०६३ मा आवश्यक संशोधन गरिएको थियो ।
संघीय गणतन्त्र नेपालको पहिलो राष्ट्रपति डा रामवरण यादव भएका छन् । संविधानसभा सदस्यहरूको मतदानबाट निर्वाचित यादव साउन ६ गते भएको दोस्रो पटकको मतदानमा विजयी भएका हुन् । उपराष्ट्रपति पदमा भने मधेशी जनअधिकार फोरमका उम्मेद्वार विवादास्पद पूर्व न्यायाधीश परमानन्द झा साउन ४ गते पहिलो पटककै चुनावमा विजयी भए ।
राष्ट्रपतिको चुनाव पछि साउन २४ गते संविधानसभामा प्रधानमन्त्रीको चुनाव भएको थियो। जसमा नेकपा माओवादीका अध्यक्ष पुष्पकमल दाहाल प्रचण्ड संघीय लोकतान्त्रिक नेपालको पहिलो जननिर्वाचित प्रधानमन्त्री बन्नुभयो। नेकपा एमाले र मधेसी जनअधिकार फोरमको समर्थनमा प्रधानमन्त्री बन्नुभएका प्रचण्डलाई संविधानसभामा भएका २५ मध्ये २१ दलले समर्थन गरेका थिए। उहाँको प्रतिद्वन्द्वी नेपाली काँग्रेसका नेता शेरबहादुर देउवालाई काँग्रेस सभाषदको मात्र मत परेको थियो।
Maintained by |
© २००८ नेपाल निर्वाचन पोर्टल । सर्वाधिकार सुरक्षित । सामाग्रीको जिम्मेवारी | गोप्यता नीति
Developed by Yomari