वि.स. २०६२/०६३ को जनआन्दोलनमा नेपाली जनताले अभिव्यक्त गरेको माग अनुसार नेपालमा नंया संबिधान निर्माणका लागि संविधानसभा गठन गर्न लागिएको हो । यस ऐतिहासिक प्रक्रियामा सम्पूर्ण नेपालीको सहभागिता सुनिश्चित गर्नका लागि जनताले प्रत्यक्ष निर्वाचनको माध्यमबाट चुनिएका प्रतिनिधिहरु मिलेर संबिधानसभाको निर्माण हुनेछ ।

नेपालको अन्तरिम संबिधान २०६३ को तेस्रो संशोधन अनुसार संविधानसभामा जम्मा ६०१ सदस्य रहनेछन् । ती मध्ये ५७५ जना ( पहिलो हुने बिजय हुने निर्वाचन प्रणालिबाट २४० र समानुपातिक निर्वाचन प्रणालिबाट ३३५ जना) संविधानसभा सदस्य निर्वाचनबाट र २६ जना सदस्य निर्वाचन सम्पन्न भएपछि बन्ने मन्त्रिपरिषदको मनोनयनबाट आउनेछन् ।

यस अघि संबिधानसभाको निर्वाचन वि.स. २०६३ जेठमा संम्पन्न गर्ने भनिएकोमा निर्वाचनको मिति नजिकिदासम्म पनि निर्वाचन सम्बन्धि आबश्यक कानुन नबनेका र तयारी पुरा नभएको हुंदा निर्वाचनको काम मङसिरसम्म स्थगित भएको थियो । देश्रो पटक सारिएको निर्वाचनको मिति नजिकिदै जांदा पनि फेरी सत्तारुढ गठवन्धनको एक प्रमुख घटक नेकपा माओवादीले नयाँ माग राखेर अवरोध श्रृजना गरेका कारणा संबिधानसभाको निर्वाचन स्थगित भयो । माओवादीले संविधानसभा निर्वाचन अगाडि नै गणतन्त्र घोषणा र संविधानसभा निर्वाचन प्रणालि समानुपातिक निर्वाचन प्रणालिमा नहुंदासम्म निर्वाचनमा भाग लिन असहमति प्रकट गरेको थियो ।

२०६३ साल पुसमा नेकपा माओवादी र सत्तारुढ दलहरु बीच राजनैतिक सहमति भएपछि संबिधानसभा निर्वाचनको लागि नंया मिति घोषणा भयो । सहमति अनुसार अव संबिधान सभाको निर्वाचन बि.स. २०६४ चैत २८ गते -अप्रिल १०, २००८) हुने गरी तोकिएकोछ ।

निर्वाचन सम्पन्न भएपछि गठन हुने संविधानसभाले गर्ने गतिविधि र त्यस्ले पारित गरेका दस्तावेजलाई हामीले यहाँ राख्दै जानेछौं ।