 |
  
|
 |
|
|
जनमत
हामी चाँडै आउँदैछौ ।
ईमेलमा सामाग्री पाउनुहोस्
तपाईको ईमेलमा नियमित जानकारी पाउनुहोस् ।
नियमित जानकारी प्राप्तगर्ने सूचीबाट आफुलाई हटाउनुस् ।
अक्षरको आकार: 
पर्यवेक्षण
|
निर्वाचन पर्यवेक्षण निर्वाचन प्रक्रिया, अनुगमन गर्ने विभिन्न निकाय मध्ये निर्वाचन पर्यवेक्षक पनि एक हुन् । सामान्यतः राजनीतिक दल, उम्मेदवार र संचार माध्यमले पनि निर्वाचन प्रक्रियालाई अनुगमन गरिरहेका हुन्छन् । निर्वाचन प्रक्रियाको अनुगमनमा, पर्यवेक्षकहरुको भूमिकालाई एस ACE परियोजनाको वेबसाइटले संक्षेपमा निम्नानुसार उल्लेख गरेको छ : "स्वतन्त्र र स्वच्छ निर्वाचनको लागि निर्वाचन प्रक्रियाको पर्यवेक्षण एउटा महत्वपूर्ण रक्षा-कवच हो । यसले निर्वाचनको समयमा प्रशासनको सबलता र इमान्दारिताका साथै राजनीतिक दल, उम्मेदवार र सरोकार राख्ने अन्य समूहका सहभागितालाई समेत संरक्षण प्रदान गर्दछ । निर्वाचन पर्यवेक्षणले विधिको पालनालाई प्रोत्साहित र अवान्छित गतिविधिलाई निरुत्साहित गर्दछ । पर्यवेक्षकहरुले प्रवाह गर्ने सार्वजनिक सूचनाले निर्वाचन अधिकारीहरूलाई जवाफदेही बनाउनुका साथै निर्वाचन प्रक्रियाको पारदर्शिता बढाउँछ । राजनीतिक दल, संचार माध्यम र निर्वाचन अधिकृतले गरेका काम कारवाहीको अनुगमनका साथै सरकारी लेखा परीक्षक तथा अन्य निकायले गर्ने प्रशासनिक भूल वा लापर्वाहीको अनुगमन पनि निर्वाचन पर्यवेक्षण अन्तरगत पर्दछन् । त्यसका साथै, गैर सरकारी संस्था र अन्तराष्ट्रिय समूहहरूले गर्ने अनुगमन पनि पर्यवेक्षण अर्न्तर्गत नै पर्दछन् । अनुगमन कार्य पक्षधरता सहितको पनि हुन सक्दछ, जसलाई राजनीतिक दलहरूले संचालन गर्दछन् । त्यस्तै, पक्षधरता रहित अनुगमन पनि हुन सक्छ, जसलाई राष्ट्रिय वा अन्तराष्ट्रिय पर्यवेक्षण समूहहरूले गर्ने गर्दछन् । पक्षधरता सहितको अनुगमन कुनै खास दल वा उम्मेदवारको हित संरक्षणमा केन्द्रित हुन्छ । कुनै पनि दल वा उम्मेदवारलाई हानी-नोक्सानी गर्ने घटना भएका छन् कि छैनन् भन्ने सुनिश्चित गर्नका लागि निर्वाचन प्रक्रियाको समग्र अवधिभरि विभिन्न राजनीतिक दलबाट अनुगमनकर्ता सहभागी हुनु महत्वपूर्ण छ । पक्षधरता रहित अनुगमन वास्तवमै निष्पक्ष हुने र यसबाट वस्तुगत प्रतिवेदन आउने अपेक्षा गरिन्छ । निर्वाचन प्रक्रियाका सम्वन्धमा स्पष्ट धारणा बनाउन ती प्रतिवेदनले सहयोग गर्ने हुँदा पर्यवेक्षणका मूल्य-मान्यताहरू आफैंमा महत्वपूर्ण छन् । यस परिच्छेदमा अनुगमनसंग सम्वन्धित मूल्य र मान्यताका सम्वन्धमा चर्चा गरिएको छ । पर्यवेक्षण प्रभावकारी हुनका निम्ति मतदाताको नाम दर्ता वा मतदानजस्ता केही पक्षमा मात्र होइन समग्र निर्वाचन प्रक्रियालाई नै समेट्नु पर्दछ । पर्यवेक्षकहरुले अनुगमन गर्नै पर्ने अन्य कुराहरू निम्नानुसार छन् :
निर्वाचनका राष्ट्रिय पर्यवेक्षक निर्वाचनका अन्तराष्ट्रिय पर्यवेक्षक राजनीतिक दल पर्यवेक्षक संचार माध्यम |
Maintained by |
© २००८ नेपाल निर्वाचन पोर्टल । सर्वाधिकार सुरक्षित । सामाग्रीको जिम्मेवारी | गोप्यता नीति
Developed by Yomari